काठमाडौं, ३ पुस । अमेरिकी सेनाले सोमालियामा गरेको कारबाहीमा ६२ जना लडाकूको मृत्यु भएको छ ।
राजधानी मोगादिसु देखि दक्षिणपश्चिमी क्षेत्रमा भएको आक्रमणमा अल–शबाबका लडाकुको मृत्यु भएको अमेरिकी सेनाले जनाएको छ । अमेरिकी सेनाले शनिबार गरिएको चार वटा हवाई हमलामा ३२ जना र आइतबार गरिएका दुई वटा हवाई हमलामा २८ जना लडाकूको मृत्यु भएको जनाएको छ ।
अमेरिकाले सन् २०१७ को नोभेम्बरदेखि सोमालियाका लडाकूविरुद्ध कारबाही चलाउँदै आएको छ । अहिलेसम्म कम्तिमा १ सय जना लडाकू मारिएको बताइएता पनि ब्यूरो अफ इन्भेस्टिकेसन जर्नालिजमको तथ्यांक अनुसार सन् २०१७ को सुरुदेखि हुन थालेको हमलामा ४ सय मानिस मारिएका छन् ।
