काठमाडौं, ५ असोज । थाइल्याण्डमा हुने एएफसी यू १६ महिला च्याम्पियनसिपमा छनोट हुने नेपालको सम्भावना सकिएको छ ।
पहिलो खेलमा फिलिपिन्सँग चार शुन्यले पराजित भएको नेपाल शुक्रबार म्यानमारसँग ११ १ को विशाल गोल अन्तरले पराजित भएपछि छनोटको सम्भावना सकिएको हो ।
शुक्रबार हलचोक मैदानमा भएको खेलमा म्यानमारले पहिलो हाफमा १० गोल गरेको थियो भने खेलको ६३औँ मिनेटमा थप एक गोल गरेको थियो ।
नेपालले ७४औं मिनेटमा सान्तोना गोल फर्काएको थियो । नेपालका लागि एक मात्र गोल सावित्री ठोकरले गरेकी हुन् ।
म्यानमारका लागि स्वीओर माङले पहिलो हाफको ३८ मिनेट भित्र एक्लै ५ गोल गरेकी थिइन् । त्यस्तै मायाट खिनले ह्याट्रिक गरिन् भने जिन मारले १, फु रेनले १, र पोन्ट पोन्टले ६३ औं मिनेटमा थप एक गोल गरिन् ।
