काठमाडौं, १३ भदौ । राष्ट्रियसभा मातहतका चारमध्ये तीन विषयगत समितिका सभापति निर्विरोध चयन भएका छन् ।
राष्ट्रियसभाका तीनवटा विषयगत समितिले आजको बैठकबाट निर्विरोध सभापति चयन गरेका हुन् । आज निर्वाचित सभापतिहरुले आजै देखि काम थालेका छन् । राष्ट्रिय सरोकार तथा समन्वय समितिमा दिलकुमारी थापा, विधायन व्यवस्थापन समितिमा परशुराम मेघी गुरुङ र प्रत्यायोजित व्यवस्थापन तथा सरकारी आश्वासन समितिमा रामनारायण बिडारी निर्विरोध सभापति निर्वाचित भएका हुन् ।
दिगो विकास तथा सुशासन समितिको सभापतिमा भने कसैको उम्मेदवारी नपरेका कारण दलीय सहमतिका आधारमा निर्वाचित गर्नलागेको राष्ट्रियसभा सचिवालयले जनाएको छ ।