उपप्रधानमन्त्रीलाई कालोझन्डा देखाउँदा पक्राउ | ईमाउण्टेन समाचार

Our Network

वैशाख १३ २०८१, बिहीबार

उपप्रधानमन्त्रीलाई कालोझन्डा देखाउँदा पक्राउ

Black_Flag

बर्दिया, ९ भदौ ।  उपप्रधान तथा स्वास्थ्यमन्त्री उपेन्द्र यादवलाई कालोझन्डा देखाउने चार जना शुक्रबार पक्राउ परेका छन् । प्रहरीले उनीहरूविरुद्ध राज्यविप्लव मुद्दा दायर गर्ने तयारी गरेको छ ।

नयाँ मुलुकी अपराध संहिता ऐन २०७५ को दफा ४९ अन्तर्गत मुद्दा दायर गर्न लागिएको प्रहरी उपरीक्षक सुरेन्द्र मैनालीले जानकारी दिए । संहिताअन्तर्गत उक्त कसुरमा १० वर्ष कैद र १ लाख रुपैयाँसम्म जरिवानाको व्यवस्था छ ।

प्रहरीले उनीहरूविरुद्ध शुक्रबारै जिल्ला अदालतबाट सात दिनको म्याद थपेर अनुसन्धान थालेको छ । पक्राउ पर्नेमा हरपाल सिंह, हरफान शेष, राजित राम बर्मा र राम मनोहर यादव छन् । उनीहरूले बिहीबार मन्त्री उपेन्द्र यादवको उपस्थितिमा जिल्ला समन्वय समितिमा सञ्चालित कार्यक्रम बिथोल्ने प्रयास गरेकाले पक्राउ गरिएको प्रहरीले जनाएको छ ।

यो खबर आजको कान्तिपुर दैनिकमा प्रकाशित छ ।

(function ($) { $(function () { $('#announcementModal').modal('show'); }) })(jQuery);