काठमाडौं, १५ साउन । प्रदेश ७ को प्रदेश सभाले स्थायी राजधानी तोक्न र प्रदेशको नामाकरण गर्न समिति बनाएको छ । सोमबारको संसद बैठकले सांसद तारालामा तामाङको संयोजकत्वमा ५ सदस्यीय समिति गठन गरेको हो ।
समितिले स्थायी राजधानी र प्रदेशको नामाकरणका विषयमा सरोकारवालासँग छलफल गरेर प्रतिवेदन तयार पार्ने छ ।
समितिलाई प्रतिवेदन तयार पार्न २१ दिनको समय दिइएको छ । अहिले प्रदेश ७ को अस्थायी राजधानी कैलालीको धनगढीमा रहेको छ । स्थायी राजधानीका लागि कैलालीकै अत्तरिया र डोटीको दिपायलको नाम चर्चामा छ ।
