धनुषा, ४ भदौ । धनुषा प्रहरीले ६ लाख रुपैयाँबराबरको १५ बोरा सुपारी बरामद गरेको छ ।
इलाका प्रहरी कार्यालय विष्णुपुरको टोलीले चेकजाँचका क्रममा ज. १ त १२९९ नम्बरको पिक अप भ्यानमा सुपारी फेला पारेको हो । बरामद भएको सुपारीको अनुसन्धानका लागि पिक अप भ्यानसहित राजस्व कार्यालय इटहरी पठाइएको प्रहरी नायब निरीक्षक शिवनारायण यादवले जानकारी दिनुभयो ।
पछिल्लो समय सिरहाबाट जनकपुर हुँदै भारततर्फ सुपारी तस्करी बढेको प्रहरीले जनाएको छ ।