संखुवासभा, २ असार । अरुण तेस्रो जलविद्युत आयोजनाको सुरुङ खन्ने क्रममा चार जना कामदारको मृत्यु भएको छ । संखुवासभाको मकालु गाउँपालिकाको फ्याक्सिन्दामा सुरुङ खन्ने क्रममा ढिस्कोले पुरिएर दुई जना नेपाली र दुई जना भारतीय कामदारको मृत्यु भएको हो ।
ढिस्कोले पुरिएर कालीकोटको सिउना गाउँपालिका–४ का प्रदीप शाही र जुम्लाको चन्द्रनाथ नगरपालिका–१ का प्रेम परियार तथा भारतको झारखण्डका बुधन मुण्डा र नन्द किशोरको मृत्यु भएको प्रहरी नायब उपरीक्षक श्यामकुमार सारुमगरले जानकारी दिए ।
