काठमाडौं, १ असार । नेपाल र चीनको बीचको तातोपानी नाका अर्को वर्षको मे महिनाबाट खुल्ने भएको छ । परराष्ट्रमन्त्री प्रदीप ज्ञवालीले आउँदो मेबाट तातोपानी नाका खुल्ने बताएका हुन् ।
परराष्ट्र मन्त्रालयमा पत्रकारसँग कुरा गर्दै मन्त्री ज्ञवालीले यसबारे पर्याप्त छलफल भएको जानकारी दिए । नेपालले आफ्नो तर्फको सडक बनाउने काम सकिएपछि चीनले खुलाउने मन्त्री ज्ञवालीको भनाई थियो ।
तर, अब तातोपानी नाकाको भन्सार क्लियरेन्स भने न्यालमबाट हुने सम्भावना छ । भूकम्पपछि बन्द भएको तातोपानी खुलाउन नेपालले पहल गरिरहेको थियो । अब नाका कार्गोका लागि खुल्ने भएको छ ।
