झापा, २ भदौ । झापाको कचनकवल गाउँपालिका वडा नम्बर १, घेराबारीस्थित भेलामुनी निवासी अम्मर श्रेष्ठका ११ वर्षीय छोरा सुलभ श्रेष्ठको शुक्रबार खाडलमा जमेको पानीमा डुबेर मृत्यु भएको छ ।
बिहान घरनजिकै खेल्दै गर्दा अचानक बेपत्ता भएका बालकलाई खोजी गर्ने क्रममा परिवारले घरनजिकै रहेको खाडलमा डुबेको अवस्थामा फेला पारेका थिए । बालकको पानीमा डुबेर मृत्यु भएपछि परिवारले प्रहरीलाई खबर गरेको जिल्ला प्रहरी कार्यालय झापाले जनाएको छ ।
