एजेन्सी, ९ बैशाख । टोटनह्यामलाई पराजित गर्दै म्यानचेस्टर युनाइटेड एफए कप फुटबल प्रतियोगिताको फाइनलमा प्रवेश गरेको छ । गएराति भएको खेलमा टोटनह्यामलाई २–१ गोल अन्तरले पराजित गर्दै म्यानचेस्टर युनाइटेडले फाइनलमा स्थान बनाएको हो ।
योसँगै म्यानचेस्टर युनाइटेड २० औं पटक एफए कपको फाइनलमा पुगेको हो । म्यानचेस्टर युनाइटेडले एफए कपमा सबैभन्दा बढी पटक फाइनलमा स्थान बनाउने रेकर्ड बराबरी गरेको छ ।
खेलमा १ गोलले पछि परेको अवस्था उल्टाउँदै म्यानचेस्टर युनाइटेडले जित हात पारेको हो । खेलमा टोटेनह्यामले ११ औं मिनेटमा गोल गरेर अग्रता लिएकामा म्यानचेस्टर युनाइटेडका लागि एलेक्सिस सान्चेजले २४ औं मिनेटमा बराबरी गोल फर्काए भने एन्डर हेरेराले ६२ औं मिनेटमा निर्णायक गोल गरे ।
म्यानचेस्टरले युनाइटेडले उपाधिका लागि चेल्सी र साउथह्याम्टनबीचको विजेतासँग प्रतिस्पर्धा गर्ने छ । चेल्सी र साउथह्याम्टनबीचको दोस्रो सेमिफाइनल आज हुँदै छ ।