साउन २९ , काठमाण्डौँ । पाकिस्तानको क्वेटा शहरमा भएको बम आक्रमणमा परि ८ सैनिक जवानसहित कम्तिमा १५ जनाको मृत्यु भएको छ ।
घटनामा परि ८ जना सैनिक जवानको मृत्यु भएको तथा ३० जना घाइते भएको पाकिस्तानी सेनाले जनाएको छ । बलुचिस्तान प्रान्तको राजधानी क्वेटाको अति सुरक्षति मानिएको स्थानमा घटना भएको हो । ड्युटीमा जाँदै गरेका सुरक्षाकर्मी चढेको गाडीलाई लक्षित गरी बम आक्रमण भएको पाकिस्तानी सेनाको जनसम्पर्क विभागलाई उद्यृत गर्दै बिबिसीले जनाएको छ ।
घटनामा घाइते भएका ३० मध्ये १५ जना सर्वसाधारण नागरिक हुन् । घटनाको जिम्मेवारी अहिलेसम्म कुनै पनि समूहले लिएको छैन ।
