धनगढी, २३ चैत । धनगढी प्रिमियर लिग (डीपीएल) क्रिकेटअन्र्तगत शीर्ष स्थानको काठमाडौं गोल्डेन्स र विराटनगर किंग्सबीचको खेल सुरु भएको छ । विराटनगर किंग्स टस जितेर ब्याटिङ गर्दै छ ।
काठमाडौं र विराटनगरबीचको खेललाई राष्ट्रिय क्रिकेट टोलीका कप्तान पारस खड्का र उपकप्तान ज्ञानेन्द्र मल्लबीचको प्रतिस्पर्धाका रुपमा समेत लिइएको छ । खड्का विराटनगर र मल्ल काठमाडौंका कप्तान हुन् ।
आजको खेलमा विजयी भए काठमाडौंले प्लेअफमा स्थान पक्का गर्नेछ । तीन खेलमा शतप्रतिशत नतिजा निकाल्दै काठमाडौं ६ अंकमा शीर्ष स्थानमा छ भने बिराटनगर चार अंकसहित तेस्रो स्थानमा छ । समान चार अंक भएपनि रन रेटका आधारमा महेन्द्रनगर युनाईटेड दोस्रो र टिम चौराहा धनगढी चौंथो स्थानमा छन् ।
