काठमाडौं, २२ चैत । नेकपा एमाले र माओवादी केन्द्रबीच वैशाख ९ गते पार्टी एकता हुने भएको छ । एमाले र माओवादी केन्द्रको एकता संयोजन समितिको आज बसेको बैठकले वैशाख ९ गते पार्टी एकताको घोषणा गर्ने निर्णय गरेको हो ।
बैठकमा चुनाव चिन्ह, विधानमा जनयुद्ध शब्द राख्ने-नराख्ने र सांगठनिक संरचनामा रहने सदस्यबारे भने सहमति हुन सकेन । यी विषयमा नेकपा एमालेका अध्यक्ष एवं प्रधानमन्त्री केपी शर्मा ओली भारत भ्रमणबाट फर्केपछि सहमति जुटाउने दुई दलका नेताले बताएका छन् ।
