काठमाडौं, ९ चैत । प्रधानमन्त्री केपी शर्मा ओलीले यही चैत २३ गतेदेखि दक्षिणी छिमेकी भारतको भ्रमण गर्ने तय भएको छ ।
प्रधानमन्त्री ओलीले चैत २३ देखि २५ गतेसम्म भारत भ्रमण भ्रमण गर्ने तय भएको हो । स्रोतका अनुसार प्रधानमन्त्री ओलीले चैत २४ गते भारतीय समकक्षी नरेन्द्र मोदीसँग भेटवार्ता गर्ने तय भएको छ । भारतीय प्रधानमन्त्री मोदीले ओलीलाई जिम्मेवारी सम्हाल्नु पहिले नै भ्रमणको निम्ता दिएका थिए ।
दुवै देशका परराष्ट्र मन्त्रालयले भ्रमणको मिति औपचारिक रुपमा घोषणा भने गरेका छैनन् । मिति घोषणा नगरेपनि परराष्ट्र मन्त्रालय भ्रमणको एजेण्डा तय गर्ने गृहकार्यमा जुटेको छ ।
