काठमाडौं, १३ फागुन । प्रधानमन्त्री केपी शर्मा ओलीले विकास निर्माणका कामलाई तिब्रता दिन कानुनी जटिलतालाई खुकुलो पार्ने आश्वासन दिएका छन । प्रधानमन्त्री ओलीले नेपाल उद्योग वाणिज्य महासंघको टोलीलाई कानूनी जटिलता खुकुलो पार्ने आश्वासन दिएका हुन ।
उनले सरकारले निजी क्षेत्रसँग मिलेर विकासका कामलाई तिब्रता दिने भन्दै कमिशन लिएर लाइसेन्स लिनेदिने, समयमा काम नसक्ने र विना कारण म्याद थप्ने \थपाउनेलाई कारबाही गर्ने बताए । महासंघको टोली प्रधानमन्त्री ओलीलाई वधाई दिन शनिबार साँझ बालुवाटार पुगेको थियो । प्रधानमन्त्री ओलीले नियतवश काममा ढिलाइ गर्ने कर्मचारीमाथि कारवाही हुनेमा ढुक्क हुन आग्रह गर्दै भ्रष्टाचार रोकेर देखाउने दाबी गरे । उनले निर्यातजन्य उत्पादनमा जोड दिन व्यावसायीहरुसँग आग्रह गरे ।
