काठमाडौँ, १८ पुस । वैदेशिक रोजगार विभाग ईपीएस कोरिया शाखाले ईपीएस परीक्षाका लागि आवेदन फारम भर्ने म्याद २ दिन थप गरेको छ । कोरिया शाखाले आवेदन फारम भर्ने म्याद पुस २० गतेसम्मका लागि थप गरेको हो ।
विभागका अनुसार कोरियामा पानी जहाज निर्माण क्षेत्रका लागि आवेदन दिएकाहरूलाई उत्पादनमूलक क्षेत्रका लागि आवेदन दिन म्याद थप गरिएको हो ।
आवेदन दिने समय १६ गतेदेखि १८ गतेसम्मका लागि तोकिएको थियो । वर्तमान परिस्थितिलाई मध्यनजर गर्दै २ दिन म्याद थप गरेको विभागले जनाएको छ। उच्च अदालतले इच्छुक सबैलाई आवेदन फारम भर्न दिन आदेश जारी गरेको छ ।
