एजेन्सी,२० मंसिर । फिलिपिन्समा एउटा ठूलो दुर्घटना भएको छ । यात्रुले भरिएको बस खाल्डोमा खसेको छ । यस दुर्घटनामा १६ जनाको मृत्यु भएको छ । समाचार एजेन्सी रोयटर्सका अनुसार स्थानीय अधिकारीहरूले बुधबार फिलिपिन्समा दर्जनौं मानिस बसमा यात्रा गरिरहेको बताएका छन् । बस एन्टिक प्रान्तमा भीरबाट खसेर कम्तिमा १६ जनाको मृत्यु भएको थियो ।
गभर्नर रोडोरा काडियाओले बस दुर्घटनामा घाइते भएकाहरूलाई अस्पतालमा भर्ना गरिएको र तीमध्ये आठ जनाको अवस्था गम्भीर रहेको बताए । जबकि चार जनाको अवस्था स्थिर रहेको छ । गभर्नर रोडोरा काडियाओले भने बस इलोइलो प्रान्तबाट एन्टिकको कुलासी सहरतर्फ जाँदै थियो। त्यसपछि यसको ब्रेक फेल भयो र बस ३० मिटर गहिरो खाडलमा खसेको थियो ।
सोही क्रममा प्रान्तीय सरकारले सामाजिक सञ्जालमार्फत सबै शवलाई घटनास्थलबाट नियन्त्रणमा लिएर पोष्टमार्टमका लागि पठाइएको जनाएको छ । उनका अनुसार कूल यात्रु संख्या ५३ जना रहेको बताइएको छ । हाल यात्रुको संख्या पुष्टि भएको छैन।
