काठमाडौं, २८ चैत्र । राष्ट्रिय स्वतन्त्र पार्टीका सांसद डा.ढाकाकुमार श्रेष्ठको व्यवसायी दुर्गा प्रसाईसँगको अडियोबारे अख्तियार दुरुपयोग अनुसन्धान आयोगले छानबिन सुरु गरेको छ ।
मेडिकल व्यवसायी दुर्गा प्रसाईंसँग पैसा मागेको विषयमा सांसद श्रेष्ठको अडियो कपुरबोट डटकमले सार्वजनिक आइतबार भएको थियो ।
श्रेष्ठले पार्टी सभापति रवि लामिछानेको टिमलाई दिनुपर्ने भन्दै व्यवसायी प्रसाईंसँग २ करोड रुपैयाँ मागेको अडियो बाहिरिएको थियो ।
सञ्चारमाध्यमहरुमा प्रकाशित समाचार अख्तियारको नोटिसमा परेको भन्दै उक्त समाचार उजुरीको रुपमा दर्ता भइसकेको अख्तियारले जनाएको थियो ।
