काठमाडौं,१९ पुस । निर्वाचन आयोगले माघ २५ गतेका लागि राष्ट्रियसभा निर्वाचनको मिति घोषणा गर्न सरकारलाई सुझाव दिएको छ ।
मंगलबार साँझ प्रमुख निर्वाचन आयुक्त डाक्टर अयोधिप्रसाद यादवले प्रधानमन्त्री शेरबहादुर देउवालाई भेटी राष्ट्रियसभा निर्वाचनको मिति माघ २५ गतेका लागि घोषणा गर्दा उपयुक्त हुने सुझाव दिनुभएको हो । भेटका अवसरमा प्रधानमन्त्री देउवाले निर्वाचन आयोगको परामर्श अनुसार नै आगामी बिहिबार मन्त्रिपरिषद् बैठकबाट निर्वाचनको मिति घोषणा हुने जानकारी दिनुभयो । प्रधानमन्त्रीसँगको भेटमा आयोगका सचिव बेगेन्द्रराज शर्मा पौड्याल पनि सहभागी हुनुहुन्थ्यो ।
