काठमाडौं । जनता समाजवादी पार्टी नेपालको संसदीय दलको नेतामा रामसहाय यादव चयन भएका छन् ।
२ बजेलाई मतदानको समय तोकिए पनि दलको नेतामा यादव सर्वसम्मत रुपमा चयन भएका हुन् ।
संसदीय दलको नेतामा जसपाका संघीय परिषद् अध्यक्ष अशोक राईसहित सांसदद्वय राजकिशोर यादव र नवलकिशोर साहले पनि दाबी गर्दै आएका थिए ।
जसपामा १२ जना सांसद छन् ।
संविधान सदस्य एवं नेकपा (माओवादी केन्द्र)का केन्द्रीय सदस्य शिवचन्द्र कुशवाहालाई पराजित गर्दै बारा–२ बाट जसपाका महासचिव एवं पूर्व वनमन्त्री समेत रहेका यादव विजयी भएका थिए ।