काठमाडौं । बालुवाटारमा जारी सत्तागठबन्धनको बैठकबाट नेकपा माओवादीका अध्यक्ष पुष्पकमल दाहाल प्रचण्ड बाहिरिएपछि एकीकृत समाजवादी केन्द्रका नेताहरु माधव नेपाल र झलनाथ खनालपनि निस्किएका छन् ।
शक्ति बाँडफाँटको लागि बोलाइएको छलफलमा कांग्रेस र माओवादीबीच सरकारको पहिलो चरणको नेतृत्व कसले गर्ने भन्नेमा सहमति हुन नसकेकोे हो ।
प्रचण्ड बैठकबाट बाहिरिएर एमाले अध्यक्ष केपी शर्मा ओलीलाई भेट्न बालकोट लागेका छन् । बिहान बसेको बैठकमा नेपाली कांग्रेसले राष्ट्रपति र प्रधानमन्त्री दुवै पद नछाड्ने अडान लिएपछि प्रचण्ड ओलीलाई भेट्न बालकोटतर्फ प्रस्थान गरेको स्रोतले जनाएको छ ।
