काठमाडौं, ३ पुस । नयाँ सरकार गठनका लागि राजनीतिक दलहरुबीच आन्तरिक गृहकार्य भइरहेको बेला नेकपा (माओवादी केन्द्र)को आज पदाधिकारी बैठक बस्ने भएको छ ।
बैठक आज दिउँसो २ बजे पार्टी कार्यालय पेरिसडाँडामा बस्ने भएको हो । बैठकमा आज सरकार गठन र संसदीय दलका नेता चयनलगायतका विषयमा छलफल हुने जनाइएको छ ।
माओवादीले दलका नेता र प्रधानमन्त्रीको रुपमा अध्यक्ष पुुष्पकमल दाहाललाई अघि सारेको छ ।
सत्तारुढ दलभित्रको गठबन्धनभित्र सहमतिका आधारमा सरकारको नेतृत्व गर्नेबारे छलफल भइरहेको बेला पार्टीको पदाधिकारी बैठक बस्न लागेको हो ।
