काठमाडौं । बाग्मती सरसफाइ अभियानको २०० औं हप्ता पुगेको अवसरमा आज ‘बागमती पदयात्रा’ गरिएको छ ।
वि.सं. २०७० जेठ ५ देखि सुरु भएको अभियानलाई थप सशक्त र प्रभावकारी बनाउन सुन्दरीजलदेखि चोभारसम्म पदयात्रा गरिएको हो ।
१५ वटा मुख्य र ३ वटा सहायक स्थानमा एकसाथ कार्यक्रम सुरु गरिएको थियो । जसमा प्रमुख दलका शीर्ष नेताहरु सहभागी हुनुभयो ।
पदयात्रामा पनि १ लाखभन्दा बढीको उपस्थिति रहने आयोजकको दाबी छ ।
बागमती सरफाई अभियानका अनुसार प्रधानमन्त्री पुष्पकमल दाहाल शंखमूल क्षेत्रमा, नेपाली कांग्रेस सभापति एवं पूर्वप्रधानमन्त्री शेरबहादुर देउवा तिलंगगामा, उपप्रधान एवं स्थानीयविकासमन्त्री राप्रपा अध्यक्ष कमल थापा बल्खुमा सहभागि हुनुभयो ।
यसअघि सरकारले २८ चैत्र २०७१ मा १०० औं हप्ता पुगेको अबसरमा सुन्दरीजलदेखि चोभारसम्म करिब २८ किलोमिटर लामो मानव साङग्लो बनाइएको थियो ।
