काठमाडौं । ३३ किलो सुन काण्डका नाइके गोरे भनिने चूडामणि उप्रेतीसहित ६जनालाई मोरङ जिल्ला अदालतले जन्मकैदको फैसला सुनाएको छ ।
न्यायाधीश भरत लम्सालको इजलासले उनीहरुलाई उक्त फैसला सुनाएको हो ।
अदालतले कर्तव्य ज्यान मुद्दामा ८ जनालाई दोषी ठहर गर्दै ६ जनालाई जन्मकैद, एकजनालाई ३ वर्ष साथै अर्का एकलाई ६ महिना कैद सजाय तोकेको छ ।
अदालतले तस्करी प्रकरणमा मुछिएका बहालवाला र अवकाशप्राप्त सबै प्रहरी अधिकारीलाई सफाइ दिएको छ ।
