काठमाडौं । राष्ट्रपति विद्यादेवी भण्डारीले बागमती प्रदेशका नयाँ प्रदेश प्रमुखमा यादवचन्द्र शर्मालाई नियुक्त गरेकी छिन् ।
मन्त्रिपरिषद्को बैठक एवंम प्रधानमन्त्री शेरबहादुर देउवाको सिफारिसमा राष्ट्रपति भण्डारीले शुक्रबार यादवचन्द्र शर्मालाई प्रदेश प्रमुखमा नियुक्त गरेकी हुन् ।
शर्मालाई नेपालको संविधानको धारा १६३ को उपधारा (२) बमोजिम प्रदेश प्रमुखमा नियुक्त गरिएको राष्ट्रपतिको कार्यालयले जनाएको छ ।
त्यस्तै राष्ट्रपति विद्यादेवी भण्डारीले विष्णु प्रसाद प्रसाईलाई पदमुक्त गरेकी छन् ।
प्रसाईलाई नेपालको संविधानको धारा १६५ को उपधारा (१) को खण्ड (ख) बमोजिम पदमुक्त गरिएको राष्ट्रपतिको कार्यालयले जनाएको छ ।
