काठमाडौं । प्रतिनिधिसभाका सभामुख अग्नि सापकोटाले दार्चुला घटनाबारे यथार्थ जानकारी दिन सरकारलाई रुलिङ गरेका छन् ।
सभामुख सापकोटाले मंगलबार बसेको प्रतिनिधिसभाको बैठकमा दार्चुलाको तुइन प्रकरणको विस्तृत विवरण सहितको जानकारी यथासक्दो छिटो प्रतिनिधिसभामा जानकारी गराउन रुलिङ गरेका हुन् ।
उनले यस घटनाप्रति आफ्नो पनि गम्भीर ध्यानाकर्षण भएको भन्दै घटनाको सत्यतथ्य घटनाको छानविन गरी संसदमा जानकारी गराउन भनेका हुन् ।
दार्चुलाको व्यास गाउँपालिकाका जयसिंह धामी तुइनबाट महाकाली नदी तर्ने क्रममा भारतीय सुरक्षा बलले तुइन काटेपछि महाकालीमा वेपत्ता भएका थिए ।
यसविषयमा अझै सत्यतथ्य बाहिर नल्याएको भन्दै सांसदहरुले आजको बैठकमा सरकारको आलोचना गरेको थिए ।
