काठमाडाैं । नेपाली युवा स्पिनर सन्दीप लामिछानेले इंग्ल्यान्डमा आयोजना हुने द हन्ड्रेड क्रिकेट प्रतियोगिता गुमाउने भएका छन् ।
सन्दीप युके पुगेको टिएर ५ भिसामा द हन्ड्रेड खेल्न नपाउने भए पछि फर्किन लागेका हुन् । बेलायतको क्रिकेट बोर्डले तत्काल देश छोड्न निर्देशन दिएको छ ।
सन्दीपले सामाजिक संजाल फेसबुकबाट द हन्ड्रेड गुमाएको जानकारी दिएका छन् ।
पहिलो संस्करणको प्रतियोगिताका लागि सन्दीप इंग्ल्यान्ड पुगिसकेका थिए । १०० बलको हुने प्रतियोगिता बिहीबारबाट सुरु हुने तालिका रहेको छ ।
भिसाकै कारण सन्दीपले यसअघि भाइटालिटी टी–ट्वान्टी ब्लास्ट क्रिकेट पनि गुमाएका थिए । त्यस प्रतियोगिताका लागि सन्दीप वोर्सेस्टरशायर र्यापिड्समा अनुबन्धित भएका थिए ।
