काठमाडौं । प्रधानमन्त्री शेरबहादुर देउवा माओवादी केन्द्रका अध्यक्ष पुष्पकमल दाहालबीच भेटवार्ता भएको छ ।
प्रधानमन्त्री देउवा दाहाल निवास खुमलटार पुगेर दाहालसँग भेट गरेका हुन् ।
अस्वस्थ रहेकी दाहाल पत्नी सीता दाहाललाई भेट्न प्रधानमन्त्री देउवा खुमलटार पुगेको बताइएको छ ।
मंगलबार बिहान पनि प्रधानमन्त्री देउवा र दाहालबीच भेटवार्ता भएको थियो । दाहाल एमाले नेता नेपालसँगको भेटपछि प्रधानमन्त्रीलाई भेट्न बालुवाटार पुगेका थिए ।
उनीहरुको भेटवार्तामा गठबन्धनको सरकार सञ्चालनका विषयमा छलफल भएको बताइएको छ ।
