काठमाडौं । नेपाली कांग्रेस संसदीय दलको बैठक सुरु भएको छ । कांग्रेस संसदीय दलको बैठक नयाँ बानेश्वरस्थित संसद भवनको ल्होत्से हलमा बैठक सुरु भएको हो ।
पार्टी सभापति एवं संसदीय दलका नेता शेरबहादुर देउवा प्रधानमन्त्री बनेपछि दलको पहिलो पटक बस्न लागेको बैठकले सरकारको नेतृत्वमा पुगेपछि परिवर्तित परिस्थितिमा दल र सांसदले खेल्नुपर्ने भूमिकाका विषयमा बैठकमा छलफल हुने दलका एक नेताले जानकारी दिएका छन् ।
बैठकमा समसामयिक राजनीतिक परिस्थितिमा पार्टीले सदनमा निर्वाह गर्नुपर्ने भूमिकाका विषयमा समेत छलफल हुने बताइएको छ । त्यस्तै आजै प्रधानमन्त्री शेर बहादुर देउवाले विश्वासको मत लिने भएका छन् ।
सर्वोच्चको परमादेशपछि प्रधानमन्त्री देउवा गत असार २९ गते प्रधानमन्त्रीमा नियुक्त भएका थिए । उनले साउन २९ भित्र विश्वासको मत लिनु पर्ने संवैधानिक प्राबधान भएपनि देउवाले हतारमै विश्वासको मत लिन लागेका हुन् ।
