काठमाडौं । ललितपुर महागरपालिकामा भेरोसेल खोपको दोस्रो मात्रा असार २७ र २८ गते लगाइने भएको छ ।
महानगरपालिकाका प्रमुख प्रशासकीय अधिकृत गणेश अर्यालद्वारा जारी सूचनामा महानगरस्तरीय खोप समन्वय समितिको बैठकले सो निर्णय गरेको बताईएको छ ।
पहिलो मात्रा खोप लगाएका ६० देखि ६४ वर्ष उमेर समूह लक्षित २७ र २८ गते खोप लगाइने सूचनामा जनाइएको छ ।
त्यस्तै सूचनामा महानगरका २९ वडामै खोप केन्द्र राखिने र पहिलो मात्राको खोप लगाएको कार्ड अनिवार्य साथमा लिएर आउनसमेत आग्रह गरिएको छ ।
महानगरद्वारा जारी सूचनामा विभिन्न कारणले दोस्रो मात्रामा खोप लगाउन नपाएकाहरुलाई पनि खोप कार्डको आधारमा लगाइने जनाइएको छ ।
