एजेन्सी । स्पेनलाई पेनाल्टीमा ४-२ गोलले पराजित गर्दै इटाली युरोकप २०२० को फाइनलमा प्रवेश गरेको छ ।
इटाली सन् २०१२ पछि पहिलो पटक युरो कपको फाइनलमा पुगेको हो।
बुधबार राती भएको खेलमा निर्धारित समयमा १-१ गोलको बराबरी भएपछि खेल ३० मिनेटमा अतिरिक्त समय थपिएको थियो । अतिरिक्त समयमा पनि थप गोल हुन नसकेपछि खेल पेनाल्टीमा पुगेको थियो ।
पेनाल्टीमा इटालीका बेलोटी, बोनुची, फेडेरिको बेमारडेची र जोरगिन्होले गोल गरे।
यता स्पेनका मोरोनो र अल्कानटाराको प्रहार मात्र सफल हुन सक्यो।
इटालीले सन् १९६८ मा एक मात्र युरोपियन च्याम्पियनसिपको उपाधि जितेको थियो ।
जितसँगै इटालीले ३३ खेलमा अपराजित यात्रा तय गरेको छ । इटालीले इङ्ल्यान्ड र डेनमार्कबीच हुने खेलको विजेतासँग उपाधिका लागि प्रतिस्पर्धा गर्ने छ ।