एजेन्सी । भारतमा पछिल्लो २४ घण्टामा ३७ हजार ५ सय ६६ कोरोना भाइरस संक्रमित थपिएका छन् ।
पछिल्लो २४ घण्टामा भारतमा ९ सय ७ ले संक्रमणका कारण ज्यान गुमाएका छन् । भारतमा हालसम्म तीन लाख ९७ हजार ६ सय ३७ संक्रमितको मृत्यु भईसकेको छ ।
त्यसैगरी पछिल्लो २४ घण्टामा संक्रमणमुक्त भएका ५६ हजार ९ सय ९४ सहित भारतमा संक्रमणमुक्त हुनको जम्मा संख्या दुई करोड ९३ लाख ६६ हजार ६ सय १ पुगेको छ ।
भारतमा हाल पाँच लाख ५२ हजार ६ सय ५९ सक्रिय संक्रमित रहेका छन् ।
भारतमा कोरोनाविरुद्धको खोप लगाउनेको संख्या ३२ करोड ९० लाख २९ हजार नाघिसकेको छ ।
