दाङ । दाङमा प्रहरीले लागूऔषध ब्राउन सुगर सहति एक युवालाई पक्राउ गरेको छ । पक्राउ पर्नेमा तुलसीपुर उपमहानगरपालिका १ भमके निवासी ३२ वर्षीय विरबल गरङजा रहेको जिल्ला प्रहरी कार्यालय दाङले जनाएको छ ।
लागु औषध (ब्राउन सुगर) मुद्दाका फरार गरङजालाई खोजतलास गर्ने क्रममा भमकेबाट शुक्रबार ११ बजे पक्राउ गरेको जिल्ला प्रहरी कार्यालय दाङका प्रहरी नायव उपरिक्षक तथा प्रवक्ता मुकुन्द प्रसाद रिजालले जानकारी दिए ।
साथै उनले सलाइको बट्टा भित्र लुकाइ राखेको लागूऔषध ब्राउन सुगर १९ पुरिया (१ ग्राम ५०० मिलीग्राम) फेला परेको समेत उनले जानकारी दिए । उनलाई लागूऔषध कारोबार मुद्दा चलाइ थप अनुसन्धान भैरहेको प्रहरीले जनाएको छ ।