एजेन्सी । भियतनामले चिनियाँ कम्पनी सिनोफार्मले निर्माण गरेको कोभिड–१९ विरुद्धको खोपलाई आपतकालीन प्रयोगका लागि अनुमति दिएको छ ।
भियतनामका उपस्वास्थ्य मन्त्री टुओङ क्वोक कुओङले सिनोफार्मको खोपलाई स्वीकृति दिएको जानकारी दिए। भियतनामले यसअघि अस्ट्राजेनिका र स्पुतनिक भी खोपलाई अनुमति दिइसकेको छ ।
गत अप्रिल महिनाको अन्त्यदेखि भियतनाममा कोभिड–१९ को संक्रमण बढ्दै गएको छ । यस्तै भियतनाममा भाइरसको नयाँ भेरियन्ट नै भेटिएको छ । शुक्रबारसम्म भियतनाममा गत अप्रिल २७ यता करिब पाँच हजार व्यक्तिमा कोभिड १९ संक्रमण पुष्टि भएको छ ।
सिनोफार्मको कोभिड–१९ विरुद्धको खोपलाई विश्व स्वास्थ्य संगठनले आपतकालीन प्रयोगका लागि गत मे महिनामा अनुमति दिएको थियो ।
