काठमाडौं । प्रधानमन्त्री केपी शर्मा ओलीले संचारमाध्यमले सरकारले गरेका कामको उपलब्धिबारे कलम नचलाएको भन्दै गुनासो व्यक्त गरेका छन् । आइतबार बालुवाटारमा प्रेस चौतारीआवद्ध पत्रकारहरूसँगको अन्तरक्रियामा ओलीले ‘मिसन पत्रकारितावाला’ ले धेरै बनावटी कुरा मात्र गरेर सरकारको बदनाम गर्न खोजेको भन्दै गुनासो व्यक्त गरेका हुन् ।
प्रधानमन्त्री ओलीले सरकारले गरेका कामहरुको बारेमा मिसन पत्रकारिता गर्नेहरुले मार्मिक स्थितिलाई आफ्नो पक्षमा प्रयोग गर्ने गरेको बताए ।
ओलीले सरकार महामारी नियन्त्रणमा पुरै लागेको र पछिल्ला केही दिनमा कोरोना संक्रमण दर स्थिर रहेको भन्दै अब त्यो घट्ने विश्वास समेत दिलाएका छन् । सरकारले कोरोना महामारी नियन्त्रणका लागि कुनै कसर बाँकी नराख्ने आश्वासन पनि दिए ।
सरकारले बाह्य शक्तिसंग कोरोना खोपको अधिकरुपमा माग गरेकाले कोरोना खोपबाट कोहि पनि नेपाली बञ्चित नहुने बताएका छन् ।