काठमाडौं । शुक्रबार सुनको मूल्य ४ सय रुपैयाँले गिरावट आएकाे छ ।
नेपाल सुनचाँदी व्यवसायी महासंघका अनुसार शुक्रबार सुनको मूल्य ४ सय रुपैँयाले घटेर ९३ हजार ३ सयमा कारोबार भएको छ । यसअघि बिहिबार सुन प्रतितोला ९३ हजार ७ सयमा कारोबार भएको थियो ।
त्यसैगरी चाँदीको मूल्यमा आज पनि १० रुपैँयाले गिरावट आएकाे छ । महासंघका अनुसार आज चाँदीको मूल्यमा १० रुपैँयाले गिरावट आएर एक हजार ३ सय ५० निर्धारण गरिएको छ ।
यसअघि बिहिवार चाँदी प्रतितोला एक हजार ३ सय ६० मा कारोबार भएको थियो ।
