काठमाण्डौँ, २९ असोज । नेपाली कांग्रेस र नेपाल लोकतान्त्रिक फोरमबीच पार्टी एकीकरण हुने भएको छ ।
आज साँझ साढे पाँच बजे प्रधानमन्त्री कार्यालय बालुवाटारमा एकीकरणको कार्यक्रम रहेको कांग्रेस पार्टी कार्यलयका मुख्य सचिव कृष्णप्रसाद पौडेलले जानकारी दिए ।
प्रदेश र प्रतिनिधिसभा चुनाव नजिकिएसँगै विभिन्न पार्टीहरुबीच तालमेल र एकीकरण हुने क्रम बढिरहेको छ ।
यसअघि कांग्रेसमै रहेका बिजय गच्छदार २०६४ मा छुट्टिएर उपेन्द्र यादव नेतृत्वको मधेसी जनअधिकार फोरममा प्रवेश गरेका थिए । यद्यपी उनले २०६६ सालमा फोरमबाट छुट्टिएर नेपाल लोकतान्त्रिक फोरम पार्टी गठन गरेका थिए ।
