काठमाडौं। लुम्बिनी प्रदेशका चार सांसदलाई निष्कासन गर्ने पार्टीको निर्णयविरुद्ध जनता समाजवादी पार्टीका अध्यक्ष महन्थ ठाकुर निर्वाचन आयोग पुगेका छन् ।
ठाकुरले २०७७ पुस ७ गतेपछि जनता समाजवादी पार्टीको कार्यकारिणी समितिको बैठक नै नबसेको र बैठक बोलाउन कुनै सूचना पनि जारी नगरिएको उल्लेख गरेका छन् ।
पार्टीको बैठक नै नबसेको बेला लुम्बिनी प्रदेशसभा सचिवालयले जसपपाका सांसदलाई पदबाट निष्काशन गरेको भनी जारी गरेको सूचनामा अवैध र गैरकानुनी भएको ठाकुरले ठोकुवा गरेका छन् ।
उक्त अवैध एवं गैरकानुनी पत्रलाई आधार मानी त्यस निर्वाचन आयोगबाट कुनै पनि काम कारबाही अगाडि नबढाउन आग्रह गरिएको पत्रमा समेत उल्लेख गरिएको छ ।
हेर्नुहोस् पत्र
