सप्तरी । सप्तरीको हनुमाननगर कंकालिनी नगरपालिका १ कोसी ब्यारेजमा जंगली हात्तीको आक्रमणबाट १ जनाको मृत्यु भएको छ ।
बिहीबार रातको समयमा आफ्नै खेतमा रहेको गहुँ कुर्न गएको अवस्थामा जंगली हात्तीको आक्रमणमा परी सप्तरीको हनुमाननगर कंकालिनी नगरपालिका १ कोसी ब्यारेज निवासी नारायण प्रमानी राजधोबको मृत्यु भएको हो । शुक्रबार विहान राजबोधको शव स्थानीयले फेला पारेका थिए ।
शवलाई पोस्टमार्टमको लागि अस्पताल लगिएको जिल्ला प्रहरी कार्यालय सप्तरीका प्रहरी नायब उपरीक्षक माधव प्रसाद काफ्लेले जानकारी दिए ।
