काठमाडौं, २९ चैत । काठमाडौंको शिवपुरी नागार्जुन राष्ट्रिय निकुञ्जको जंगलमा लागेको डढेलो नियन्त्रणका लागि हेलिकप्टर प्रयोग गरिएको छ ।
निकुञ्जको बुढानिलकण्ठ नगरपालिका–१ मा पर्ने जंगलमा लागेको डढेलो नियन्त्रणमा नआउँदा सिम्रिक एयरलाइन्सका तीनवटा हेलिकप्टर प्रयोग गरी डढेलो नियन्त्रणको प्रयास भईरहेको बूढानिलकण्ठ नगरपालिकाले जनाएको छ ।
आगलागी नियन्त्रणका लागि नेपाल प्रहरी, सशस्त्र प्रहरी, नेपाली सेना र महानगरपालिकाको दमकलको पनि प्रयोग भई नै रहेको छ । आइतबार विहान करिब ११ बजेबाट आगलागी सुरु भएको बताइएको छ ।
पछिल्लो समय देशभरका विभिन्न स्थानमा आगलागी हुने क्रम बढ्दो छ ।
