एजेन्सी, २२ चैत। फ्रेन्च लिग वान फुटबलमा साविक विजेता पेरिस सेन्ट जर्मेन पीएसजी पराजित भएको छ ।
शनिबार राति भएको खेलमा पीएसजी लिलिसँग १–० गोल अन्तरले पराजित भएको हो ।
पीएसजीको मैदानमा लिलिलाई जित दिलाउन जोनाथन डेभिडले गोल गरे । उनले खेलको २० औं मिनेटमा गोल गरेका थिए । यस्तै खेलको अन्तिम समयमा पीएसजी र लिल १० खेलाडीमा समेटिएको थियो । खेलको ९० औं मिनेटमा पीएसजीका नेयमार दोहोरो पहेंलो कार्डसहित रातो कार्ड पाएर मैदानबाट बाहिरिएका थिए ।
यस्तै इन्जुरी समयमा लिलिका थियागोले पनि दोहोरो पहेंलो कार्डसहित रातो कार्ड पाएका थिए ।
यस जितसँगै लिलिले लिगमा ३ अंकको अग्रता बनाएको छ । लिलिले ३१ खेलमा ६६ अंक जोडेको छ । दोस्रो स्थानको पीएसजीले ३१ खेलमा ६३ अंक जोडेको छ ।
