एजेन्सी, २२ माघ । फ्रेन्च लिग वान फुटबलमा साविक विजेता पेरिस सेन्ट जर्मेन पीएसजीले सहज जित निकालेको छ ।
बुधबार राति भएको खेलमा पीएसजीले निम्सलाई ३–० गोल अन्तरले पराजित गरेको हो । घरेलु मैदानमा पीएसजीलाई जित दिलाउन एन्जल डी मारिया, पाब्लो सराबिया र केलियन एमबाप्पेले एक÷एक गोल गरे । खेलको १८ औं मिनेटमा डी मारियाले गोल गर्दै टोलीलाई अग्रता दिलाएका थिए ।
खेलको ३६ औं मिनेटमा सराबियाले गोल गर्दा पीएसजी २–० ले अघि रह्यो । त्यसपछि खेलको ६८ औं मिनेटमा एमबाप्पेले गोल गर्दै पीएसजीलाई ३–० को सहज जित दिलाए । जितसँगै पीएसजीले २३ खेलमा ४८ अंक जोड्दै तालिकाको तेस्रो स्थानमा उक्लिएको छ ।
