दार्चुला, १४ चैत । भारतमा बढ्दै गएको दोस्रो चरणको कोरोना संक्रमणका कारण नेपाली कामदारहरु दार्चुला हुदैं घर फर्कने क्रम बढेको छ ।
बैतडीको पुर्चाैडीहाँट, बझाङको बुङ्गल र दार्चुलाका गरी दैनिक सयौंको संख्यामा कामदारहरु दार्चुलाको खलंगा नाका बाट घर फर्कन थालेका हुन् ।
सीमा नाकामा कुनै किसीमको चेक जाँचको व्यवस्था गरिएको छैन भने दैनिक कति कामदार नेपाल भित्रन्छन् भन्ने तथ्याङ समेत सरकारी निकायसँग छैन ।
कामदारहरु कोरोना भाईरसको चेक जाँच नगरी घर फर्कन थालेसंगै नेपालमा कोरोना भाईरसको दोस्रो चरणको संक्रमण फैलिने आशंका बढ्दै गएको छ ।
