काठमाडौं, २२ फागुन। मोरङ उर्लाबारी–५ का ३१ वर्षीय प्रविण बास्तोलाको मृत्यु प्रकरणमा फरार रहेका थप दुई प्रतिवादी पक्राउ परेका छन् । पक्राउ पर्नेमा उर्लाबारी–६ का राजेश रणपहेली र झापाको गौरादह नगरपालिका–का ३१ वर्षीय दीपेश पौडेल रहेको प्रहरीले जनाएको छ ।
प्रतिवादी दुवै जनालाई प्रहरीले शुक्रबार साँझ पक्राउ गरेको हो । पक्राउ परेकामध्ये राजेशलाई प्रहरीले आइतबार जिल्ला अदालतमा उपस्थित गराउने प्रहरीले जनाएको छ । बास्तोला हत्या प्रकरणमा ६ जना प्रतिवादीमध्ये प्रहरीले ४ जनालाई पक्राउ गरी जिल्ला अदालतमा उपस्थित गराइसकेको छ ।
उर्लाबारी–६ का मेहरमान दर्जी, १९ वर्षीय सुदिप परियार, रमेश गिरी र कुमारमध्ये दर्जी र परियारलाई जिल्ला अदालत मोरङको आदेशमा पुर्पक्षका लागि थुनामा मोरङ कारागारमा राखिएको छ भने कुमार राईलाई ३ लाख धरौटीमा र गिरीलाई १ लाख धरौटीमा छाडेको छ । बास्तोला मृत्यु प्रकरणमा ६जनाविरुद्ध मुद्दा दायर गरिएको छ ।
