पर्सा, १६ फागुन । प्रहरीले भारतबाट तस्करी गरी ल्याउँदै गरेको अवैध चल्ला नष्ट गरेको छ ।
पर्सा जिल्ला प्रहरी कार्यालयबाट खटिएको टोलीले शनिबार बिहान बिरगंज महानगरपालिका वडा नं. २७ रामपुर नहरमा अवैध चल्ला नष्ट गरेको हो ।
भारतबाट चोरी तस्करी गरी ल्याउँदै गरेको अबस्थामा २३ कार्टुनमा रहेको २३०० पिस कुखुराको चल्ला नियन्त्रणमा लिई नष्ट गरेको हो ।
आवश्यक कारवाहीको लागी पशु पक्षि क्वारेन्टाईन कार्यालय बिरगंज, पर्सा बुझाई नष्ट गरिएको जिल्ला प्रहरी कार्यालय पर्साको प्रवक्ता मनोजित कुँवरले जानकारी दिनुभयो ।
