काठमाडौ, १० फागुन । अदालतको अवहेलना मुद्दामा प्रधानमन्त्री केपी ओलीलाई वारेस राख्न सर्वोच्च अदालतले अनुमति दिएको छ ।
न्यायाधीश पुरुषोत्तम भण्डारी र प्रकाशकुमार ढुंगानाको संयुक्त इजलासले प्रधानमन्त्रीलाई वारेस राख्न अनुमति दिएको हो ।
लिखित जवाफ आफैँ उपस्थित भएर बुझाएका प्रधानमन्त्री ओलीले सो मुद्दामा वारेस राख्न माग गर्दै निवदेन दर्ता गराएका थिए ।
अधिवक्ता कञ्चनकृष्ण न्यौपाने र कुमार शर्मा आचार्यले प्रधानमन्त्री ओलीविरुद्ध अदालतको अवहेलनामा हदैसम्म कारवाहीको माग गर्दै रिट दायर गरेका थिए।