विराटनगर, ७ फागुन । प्रदेश १ का मुख्यमन्त्री शेरधन राईविरुद्धको अविश्वास प्रस्ताव प्रदेश सभामा टेवुल भएको छ । सत्तापक्षका सांसदहरुको उपस्थिति विनै आइतबार सुरु भएको बैठकमा सो प्रस्ताव टेवुल भएको हो । अर्को बैठक फागुन २० गतेका लागि तोकिएको छ।
सभामुख प्रदीपकुमार भण्डारीले बैठक स्थगित गरी फागुन २० गते नयाँ मिति तोकिएको सदनलाई जानकारी गराएका छन् ।
निर्धारित २ बजेको समयभन्दा झण्डै २ घण्टापछि बसेको बैठकमा प्रचण्ड(माधव पक्षका सांसद ईन्द्र आङ्बोले मुख्यमन्त्री शेरधन राईविरुद्धको अविश्वास प्रस्ताव पेस गरेका थिए । २० गते सो प्रस्तावमा छलफल हुने छ।
