विराटनगर, ८ फागुन । प्रदेश १ मुख्यमन्त्री शेरधन राईले प्रदेशमा गरिएको आक्रमण सहज ढंगले परास्त गरिने उद्घोष गर्नुभएको छ ।
नेकपा ओली पक्षको प्रदेश १ ले विराटनगरमा आयोजना गरेको जनसभालाई सम्बोधन गर्दै मुख्यमन्त्री राईले यस्तो उद्घोष गरेका हुन् ।
‘ अहिले प्रदेशमा भाँजो हाल्न खोजिएको छ । प्रदेशमा गरेको आक्रमण सहज ढंगले परास्त गरिनेछ । हाम्रो यात्रा निरन्तर अगाडि बढ्ने छ,’ उनले भने ।
उनले प्रधानमन्त्रीको ताजा जनादेशमा जाने निर्णय सही र लोकतान्त्रिक भएको तर्क राखे । प्रतिनिधि सभा विघटनपछि नेकपा दुई पक्षमा विभाजित भएको छ । विभाजित दुबै पक्षबीच प्रदर्शनको होडबाजी चलिरहेको छ ।