काठमाडौं, ८ फागुन । आन्दोलनरत नेकपा दाहाल नेपाल पक्षका वरिष्ठ नेता तथा पूर्व प्रधानमन्त्री झलनाथ खनाल उपचारपछि भारतको नयाँ दिल्लीबाट आज स्वदेश फर्किदै छन् ।
उपचारका लागि गत माघ ३० गते दिल्ली जानु भएका खनालको साथमा उनकी धर्मपत्नी रविलक्ष्मी चित्रकार पनि छिन् । खनालले नयाँदिल्लीस्थित अपोलो अस्पतालमा उपचार गराएका थिए ।
शरीर काँप्ने रोगबाट पीडित खनालले यसअघि अमेरिका र चीनमा उपचार गराएका थिए । चीनमा १४ दिन क्वारेन्टिनमा बस्नै पर्ने बाध्यताका कारण खनाल यसपटक दिल्ली गएको बताइएको छ ।
