काठमाडौं, २४ माघ । प्रमुख प्रतिपक्षी दल नेपाली कांग्रेसका वरिष्ठ नेता रामचन्द्र पौडेलले देशलाई अस्थिरतातर्फ लैजान नहुने बताउनु भएको छ । शनिबार दमौलीमा आयोजित एक कार्यक्रममा बोल्दै वरिष्ठ नेता पौडेलले देशमा स्थायित्व आवश्यक रहेकोमा जोड दिनु भएको हो ।
उहाँले नयाँ राजनीतिक ध्रुवीकरणले कांग्रेसलाई अवसर प्राप्त भएको बताउँदै कांग्रेसले मात्र देश विकास गर्न सक्ने दावी गर्नुभयो । अहिले प्राप्त भएको अवसरलाई कांग्रेसले सदुपयोग गर्ने उहाँको भनाई छ ।
झण्डै दुई तिहाइ मत प्राप्त सरकारले जनभावनाअनुसार काम गर्न नसकेकाले जनताको आकर्षण कांग्रेसमा बढेको नेता पौडेलको भनाइ छ ।कांग्रेस आन्दोलनबाट नभई अदालतबाट आउने फैसलाको पक्षमा रहेकाले संयुक्त आन्दोलनको बारेमा अहिले नसोचिएको उहाँले उल्लेख गर्नुभयो ।
त्यसैगरी उहाँले पार्टीको सम्दर्भमो पार्टीको विधान बचाएर कांग्रेसलाई पनि बचाउनुपर्ने बेला आएको बताउनु भयो ।
